सोनी एन्टरटेन्मेंट टेलिव्हिजनवरील लोकप्रिय संगीत रियालिटी शो ‘इंडियन आयडॉल 14’ मध्ये ‘शानदार परिवार स्पेशल’ एपिसोड साजरा केला जाणार आहे त्यामुळे आणखी एका धमाकेदार वीकएंड साठी सज्ज व्हा. या भागात ‘अॅनिमल’ चित्रपटाचे कलाकार- रणबीर कपूर आणि रश्मिका मंदाना उपस्थित असतील आणि ते केवळ स्पर्धकांनी सादर केलेल्या गाण्यांचा आनंद घेणार नाहीत तर प्रेक्षकांना रिझवणारे काही मनोरंजक किस्से देखील सांगणार आहेत.
परिवार स्पेशल एपिसोडचा एक भाग म्हणून, रणबीर कपूर कोलकाताच्या शुभदीप दास या स्पर्धकाच्या आईला त्याचा परफॉर्मन्स प्रत्यक्ष बघण्यासाठी मंचावर आमंत्रित करून शुभदीपला आश्चर्यचकित करताना दिसेल. शुभदीप रणबीर कपूरच्या ‘सावरिया’ आणि ‘ब्रह्मास्त्र’ या सुपरहिट चित्रपटांमधील ‘जब से तेरे नैना’ आणि ‘केसरीया’ या गाण्यांचे अप्रतिम सादरीकरण करताना दिसेल.
त्याच्या गायकीने थक्क होऊन रणबीर कपूर म्हणाला, “तू म्हटलेले ‘जब से तेरे नैना’ हे माझे पहिले गाणे होते जे शानने गायले होते आणि ‘केसरिया’ हे अरिजित सिंहने गायले होते; दोघेही महान गायक आहेत. तू तीच गाणी गायलास पण त्याला तुझ्या स्वतःच्या खास स्टाइलची जोड दिलीस. मी इतकेच म्हणेन की, तुझ्या पार्श्वगायनावर अभिनय करण्याची संधी कधी मिळते असे मला झाले आहे.”
श्रेया घोषालने देखील शुभदीप दासची स्तुती करत सांगितले, “मी नेहमी तुझ्या परफॉर्मन्सची आतुरतेने वाट बघत असते. मला खात्री आहे की एक वेळ अशी येईल जेव्हा तुझा शो बघण्यासाठी आम्हाला तिकीट विकत घ्यावे लागेल.”
अवश्य बघा, ‘इंडियन आयडॉल 14’ येत्या शनिवारी आणि रविवारी रात्री 8 वाजता फक्त सोनी एन्टरटेन्मेंट टेलिव्हिजनवर!