अटल सेना चित्रपट कामगार मोर्चा प्रदेशाध्यक्षपदी स्वानंद देव यांची नियुक्ती

नवी दिल्ली : अटल सेना चित्रपट कामगार मोर्चा महाराष्ट्र प्रदेश अध्यक्षपदी नुकतीच पुण्यातील कार्यकारी निर्माते श्री.स्वानंद देव यांची नियुक्ती पक्षाचे राष्ट्रीय अध्यक्ष माननीय श्री.जी.पी.त्रिपाठी,महाराष्ट्र प्रदेश अध्यक्ष श्री.उल्हास तावडे तसेचं प्रदेश महासचिव श्री.अभिजीत आपटे यांच्या संगनमताने करण्यात आली.स्वानंद‌ देव यांनी यापुर्वी चित्रपट आणि नाट्य संस्था महाराष्ट्र राज्य अध्यक्षपदी तसेचं राष्ट्रवादी काँग्रेस सांस्कृतिक विभागाचे प्रदेश सरचिटणीस पदी काम केले असून त्यांनी अनेक मराठी,हिंदी आणि दाक्षिणात्य चित्रपटांसाठी निर्मीती व्यवस्थेसाठी काम केले आहे.तसेचं पुण्यातील वानवडी येथील महात्मा फुले नाट्यगृहात त्यांनी पार्कींगच्या कारणास्तव आंदोलनाचा आक्रमक पवित्रा घेतला होता.त्यानंतर कोल्हापूर येथे झालेल्या महापुराच्या नुकसानीवेळी तेथील नागरिकांना मोफत अन्नधान्य पुरविले होते.तसेचं त्यानंतर झालेल्या कोरोनाच्या महामारीत त्यांनी अनेक कलाकारांना मदत केली होती.कोरोना काळानंतर सर्व नाट्यगृहे बंद असताना बालगंधर्व रंगमंदिर,महात्मा फुले नाट्यगृह पुणे तसेचं यशवंतराव चव्हाण नाट्यगृह बार्शी जि.सोलापुर येथे जस्ट गंम्मत नावाचे नाटकाचे प्रयोग करणारे ते पहिले निर्माते आहेत.त्यांनी अनेक कलाकार व तंत्रज्ञ यांच्यासाठी अनेकप्रकारे मदतीसाठी प्रयत्न केले असल्यामुळे त्यांच्या याचं कामाची दखल घेऊन त्यांची प्रदेशाध्यक्षपदी वर्णी लागल्याची चर्चा सर्व नाट्य व सिनेसृष्टीमध्ये होत आहे.